प्रेम परियार ‘पर्खि बसे फर्कि आउछु’ मार्फत डेव्यु गर्दै |

फिल्म ‘पर्खि बसे फर्कि आउछु’ मार्फत गायक प्रेम परियारले अभिनय यात्रा सुरु गरेका छन् । प्रेमले नायकको रुपमा डेव्यु गरेको यो फिल्मको सोमबार मात्रै दाङ तुलसीपुरमा मुहूर्त गरिएयो ।

राज बहादुर सानेको निर्देशनमा बन्न लागेको फिल्मको सोमबारबाटै छायांकन समेत सुरु गभएको छ । पुर्व उर्जा, जलस्रोत तथा सिंचाई मन्त्री दिपक गिरीको प्रमुख आतिथ्य रहेको मुहूर्तमा मुख्य कलाकार प्रेम परियार, समिक्षा बस्नेत र देव सागरले मुर्हत सर्ट दिए ।

रोशन कुमार थापा प्रस्तुतकर्ता रहेको फिल्ममा यम कान्त भण्डारी निर्माता र एकराज थापा सह निर्माता रहेको छन् । लभ स्टोरी जनराको फिल्ममा प्रेम परियार, समिक्षा बस्नेत र देव सागरसँगै पदम तामाङ, सुशिल गौतम, सुशिल पोखरेल, दिपक थापा, शुभम गौतम, डा.लोकराज पराजुली, हेमराज विसी लगायत कलाकारको अभिनय रहनेछ ।

यो फिल्म मार्फत गायक प्रेम परियार नायकको रुपमा डेब्यु गर्दैछन् । मलेखुमा गीत गाएको सानो भिडियोले सामाजिक सञ्जालमा चर्चा पाएपछि कलाकार तथा निर्देशक शिशिर रानाले राजधानी ल्याएर संरक्षण दिएका थिए ।

‘नाई न भन्नु ल २’मा ‘मर्ने कसैलाई रहर हुँदैन’ जस्ता गीतमा स्वर दिएपछि प्रेमको सर्वत्र चर्चा भयो । बाल गायकको रुपमा चर्चा र प्रसंशा पाएका प्रेमले नायक भएपछि पनि चर्चा र प्रशंसा पाउलान् त ?