हात्ती ढुङ्गामा भन्दै प्रदीप र क्रिस्टिना (भिडियो) : ‘प्रेमगीत ३’

बहुप्रतिक्षीत चलचित्र ‘प्रेमगीत ३’ को पहिलो गीत ‘हात्ती ढुंगामा’ सार्वजनिक भएको छ् । गीतमा गायक सागर आले र गायिका मेलिना राईको आवाज रहेको छ् । हर्क साउदको शब्द रहेको गीतमा कल्याण सिंहको सगीत रहेको छ् ।

सार्वजनिक भैरहेका गीत भन्दा फरक गीतमा चलचित्रका मुख्य कलकारहरु प्रदिप खड्का र नव-अभिनेत्री क्रिस्टिना गुरुङ फिचर्ड छन् । गीतको भिड्योलाई कविराज गहतराजले कोरियोग्राफी गरेका हुन ।

यही चैत २८ गते बाट प्रदर्शनमा आउन लागेको चलचित्र ‘प्रेमगीत ३’ मा प्रदिप र् क्रिस्टिना सँगै शिव श्रेष्ठ, सुनिल थापा, अनुभव रेग्मी, लक्ष्मी बर्देवा, सन्तोष सेन, प्रेम पुरी, मनिष राउतलगायतको पनि अभिनय रहेको छ । डेढ सय वर्ष अगाडिको प्रेमकथामा निर्माण भएको चलचित्रलाई छेतेन गुरुङ र मन्दिप गौतमले लेखेका हुन् ।

छेतेन गुरुङ र सन्तोष सेनले मिलेर निर्देशन गरेको बनिश शाह र भुपेन्द्र अधिकारीको सम्पादन ,राजेश श्रेष्ठको छायाकन ,चन्द्र बहादुर चन्द र डम्बर विक्रम सेन कार्यकारी निर्माताको रुपमा रहेका छन ।