नेपाल आउँदै बलिउड सुपरस्टार गोबिन्दा

यही कात्तिक २१ गतेबाट विरगञ्जमा हुन लागेको ‘नेपाल चलचित्र स्वर्णिम महोत्सव’ का लागि बलिउड चर्चित नायक गोबिन्दा नेपाल आउने भएका छन । उनी ‘नेपाल चलचित्र स्वर्णिम महोत्सव’मा विशेष अतिथिको रुपमा सहभागी हुन नेपाल आउन लागेका चलचित्र निर्माता संघका अध्यक्ष आकाश अधिकारीले जानकारी दिएका छन । एक बर्ष अघी भएको ‘एलजी फिल्म अवार्ड’ मा सहभागी हुन नेपाल आएका थिए ।

राष्ट्रपति विद्यादेवी भण्डारीले उद्घाटन गर्ने महोत्सवमा गोविन्दाले आफ्नो प्रस्तुती पनि दिनेछन् । ३ दिनसम्म चल्ने उक्त महोत्सवमा नेपाली फिल्मका निर्माता, निर्देशक, कलाकार,प्राविधिक, लेखक, गीतकार, संगीतकार, गायिका, वितरक, प्रदर्शक तथा पत्रकारहरु सहभागी हुने जानकारी दिएको छ ।