जी नेपाल एचडीले होली उत्सव मनाउँदै

जी नेपाल एचडीले होली उत्सव मनाउँदै
नेपालगन्ज २६ फागुन
सद्भावको शहर नेपालगन्जमा होली उत्सव मनाउने भएको छ । मंगलबार होलिको दोस्रो दिन अर्थात तराईको होलिको दिन नेपालगन्जमा बृहत स्ट्रीट होली फेस्ट हुने भएको हो ।

नेपालगन्ज तथा उपत्यका बाहिरको पहिलो सेटेलाइट टेलिभिजन जि नेपाल एचडीको आयोजनामा स्ट्रीट होलि फेस्ट हुने भएको आयोजक टिमका डाइरेक्टर आशिष गुप्ताले जानकारी गराउनुभयो ।

यो बर्षको होली सामाजिक सद्भाव होली नारा दिएर जि नेपाल एचडिले होली विशेष कार्यक्रम गर्न लागेको टेलिभिजनका एमडी गुप्ताले जानकारी गराउनुभयो ।

यो सद्भावको पर्व हो, हामिले यो बर्षको होलीलाई सामाजिक सद्भावको होली जि नेपाल एचडी संगै भनेर नेपालगन्जमा होली विशेष कार्यक्रम गर्न लागेका हौ , गुप्ताले बताउनुभयो । एक्स जेनेरेसन इभेन्ट पार्टनरको रुपमा रहेको स्ट्रीट होली फेस्टमा नेदरल्यान्डका चर्चित डिजे प्राची संगै लोकस्टार रविराज शाह र अन्य स्थानिय कलाकारहरुको समेत सहभागीता रहने आयोजकले जनाएको छ ।

होली फेस्टमा बिश्वब्यापी रुपमा त्रासको सृजना गरेको कोरोना भाइरसको प्रकोपलाई मध्यनजर गर्दै आयोजक जि नेपालले मास्क बितरण गर्ने समेत बताएको छ भने हेल्थ डेक्सको समेत स्थापना गर्ने बताएको छ । त्यस्तै बिश्वब्यापी रुपमा फैलिएको कोरोना भाइरसको निम्ति जनचेतनामुलक संदेश समेत प्रवाह गर्ने बताइएको होलि फेस्ट मंगलबार ११ बजे देखि सुरु हुने आयोजकले जनाएको छ ।