रोजगारीको लागि विभिन्न समयमा साउदी अरव पुगेका १२ सय नेपाली कामदार अहिले त्याहा अलपत्र परेका छन् । साउदी अरवको रियादस्थित समास्को सप्लाई कम्पनीमा काम गर्ने कामदारहरुको करार अबधी सकिएको झन्डै ७ महिनालाग्दा समेत कम्पनीले चासो नदेखाएको पिडितहरुले बताएका छन् ।
आफूहरुको समस्याबारे साउदीस्थित नेपालीदूतावासमा पुगी सहयोग माग्दा पनि नसुनेको भन्दै पिडित नेपाली श्रमिकहरुले नेपाल सरकार तथा नेपाली दूतावास विरुद्ध चर्का नारावाजी गरेका छन् । आफूहरुको आवाज नसुने पछि ९ सय पुरुष तथा ३ सय नेपाली महिला कामदारहरुले सरकार बिरुद्ध साउदीको सडकमा आन्दोलनगर्न बाध्य भएको बताएका छन् । करिव ६ सय नेपाली भिसा सकिएर स्वदेश फिर्तीको पर्खाइमा छन भने अन्य सप्लाई कम्पनीले लिएको कन्ट्रयाकमा काम नभएपछि लामो समय देखि कोठामै बसिरहेका छन् ।
कम्पनीले कसैलाई काम दिएपनि कम तलवमा काम लगाउने गरेको उनीहरुले बताएका छन् । बिगत ६ महिनादेखि कुनै पनि तलब सुबिधा नपाएको तथा घरबाट पैसा मगाएर स्वदेश फर्कन्छाैँ भन्दा पनि आफूहरुलाई चार्टर उडानको व्यवस्था गरियोस भन्दा समेत सरकार र दूतावासले कुनै चासो नदेखाएको कारण आफूहरु थप समस्यामा परेको उनीहरुले बताएका छन् ।
कम्पनीले चार्टर उडान गर्न दूतावाससंग समन्वय गरेपनि दूतावास र कम्पनीबीच तालमेल नमिल्दा पटक पटक उडान स्थागित हुँदै आएको उनीहरुले बताएका छन् । लामो समयसम्म कोठामा बस्दा धेरै साथीहरु डिप्रेसनको शिकार भएका छन भने १ महिना अघि मात्र घर फर्कन नपाए एक नेपालीले आत्महत्या समेत गरिसकेको उनीहरुले बताएका छन् ।
नेपाली मजदुर एकता समाज साउदीले साउदी अरवमा अलपत्र हजारौं नेपालीहरुले साउदीमा रहेकोे नेपाली दूतावास र नेपाल सरकार विरुद्ध नाराबाजी गरेको भन्दै दूतावास तथा नेपाल सरकार लगायत सम्बन्धित निकायको गम्भिर ध्यानाकर्षण हुन जरुरी रहेको बताएको छ । नेपाली मजदुर एकता समाजका एक प्रतिनिधिले यस बारे नेपाल नेपाली दूतावास, म्यानपावर तथा वैदेशिक बिभाग सम्म यो बिसयमा पहल थाल्ने वा जानकारी लिने प्रयास भैरहेको बताएका छन् । नेपाली दूतावास तथा साउदी अरवमा रहेको एनआरएनएले भने यस विषयमा कुनै प्रतिक्रिया दिएका छैनन् । यो सामाचार Nepal Times मा छ |
तल भिडियो हेर्नुहोस :
Discussion about this post