नेपाली राजदूतावास रियादको कोरोना संक्रमणको पछिल्लो अवस्था र अन्य जानकारी ।

साउदी अरबमा कोरोना संक्रमणको पछिल्लो अवस्था र अन्य जानकारी ।

१. आज मिति २०७६।१२।२८ (अप्रिल १०, २०२०) मा साउदी अधिकारीहरुले दिएको जानकारी अनुसार साउदी अधिराज्यमा कोरोना भाइरसबाट संक्रमितको संख्या ३६५१ पुगेको छ । आज थप ३६४ जनामा संक्रमण भएको छ । कूल संक्रमितहरु मध्ये हालसम्म ६८५ जना निको भएका छन् । आज थप ३ जनाकाे निधन सहित हालसम्म जम्मा ४७ जना संक्रमितको मृत्यु भएको छ । थप नेपालीहरुमा संक्रमण भएको जानकारी प्राप्त भएको छैन ।

२. कसैमा कोरोना भाइरसको संक्रमण भएको सम्बन्धमा आधिकारिक निकायले जानकारी नगराएसम्म अनुमान र हल्लाको भरमा कुनै अपुष्ट जानकारी एक अर्कासंग शेयर गर्ने, आवाज रेकर्ड पठाउने वा पोष्ट गर्ने कुनै कार्यहरु नगर्नुहनु सबैमा नेपाली राजदूतावास अनुरोध गर्दछ ।

कसैलाई संक्रमण भएको अपुष्ट जानकारी प्राप्त भएमा थप जानकारीका लागि नेपाली राजदूतावासका कर्मचारी वा नेपाली समुदायका आफूले विश्वास गर्ने प्रतिनिधिसंग कुराकानी गर्नुहुन अनुरोध छ । कुनै नेपाली नागरिकमा कोरोना संक्रमणको शंका भएमा स्वयं वा आफू कार्यरत कम्पनी मार्फत तोकिएको स्वास्थ्य संस्थामा परीक्षण गराउनु हुन अनुरोध छ ।

३. साउदी अरबमा कोरोना भाइरसको संक्रमण हरेक दिन बढिरहेको छ । सबैको साथ नभएमा संक्रमण नियन्त्रण कठीन् हुने चेतावनी दिँदै सबै जिम्मेवार हुन साउदी अधिकारीहरुले अनुरोध गरेका छन् । संक्रमणबाट बच्न स्वास्थ्य सम्बन्धी सचेतना र जानकारीहरूलाई दैनिक पालना गर्नुहोस् क्षणभर पनि हेलचक्र्याइँ नगर्नुहोस् ।

४. विदेशी नागरिकहरुसँग काम गर्दा, हिँडडुल, उठवस वा बजार गर्दा पूर्ण सावधानीका साथ गर्नुहोस् । एकअर्काबीच दुरी कायम गर्नुहुन र कुनै पनि व्यक्ति वा सरसामानहरुलाई अनावश्यक छुने वा स्पर्श गर्ने नगर्नुहोला ।
————————–
नेपाली राजदूतावास
रियाद
२०७६।१२।२८

Live Dance Stage Performance || Darsela Chhame Myoba || ल्होछार प्रोग्राम २८५६ || Bageshwori News TV