२०७८ कातिक २० साउदी अरबको राजधानी रियादमा देउसी भैलो २०७८ को कार्यक्रम सम्पन्न भएको छ

२०७८ कातिक २० , साउदी अरबको राजधानी रियादमा देउसी भैलो २०७८ को कार्यक्रम सम्पन्न भएको छ । सिर्जना साँस्कृतिक समूह द्वारा आयोजना भएको उक्त कार्यक्रमा सिर्जना साँस्कृतिक समूह,पारिवारिक समाज ,अन्तर संस्था समन्वय समिती रियाद,कास्की आदर्श समाजका संरक्षक अमृत पौडेल ज्यूको सभापतित्वमा सुरु भएको थियो। यसै गरि कार्यक्रममा वरिष्ठ समाज सेवि नेपाली जनसम्पर्क समिती पुर्व केन्द्रिय सभापति दिपक रेग्मी प्रमुख अतिथिमा हुनुहुन्थ्यो विशेष अतिथिमा भने जितेन्द्र थपलिया अतिथिहरुमा ,नवराज थापा,महेश घिमिरे,मनिष थापा,कमल शाही,रोहित भुसाल ,रुपक वाइवा,हेम सुवेदी ,सुजन घिमिरे,पारस काफ्ले,अमृत घिसिङ्ग,कविराज शंकर लगायत विभिन्न संघ सस्थाबाट प्रतिनिधित्व गर्दै आउनु भएका पदाधिकारीहरु हुनुहुन्थ्यो ।

नेपाली परम्परा अनुसार पानसमा दियो बाली रंगिन सितराको पटका पटकाएर सुरु भएको उक्त कार्यक्रममा सम्पुर्ण नेपालीलाई समेटने नेपालको राष्ट्रिय गाना बजाई देश भक्त भाव पोखिएको थियो।

साउदी रियादमा आबद्ध सम्पुर्ण संघ संस्था एवम् व्यावसायिक राजनितिक ,समाजसेवि बुद्धिजीवीहरुलाई आसन ग्रहण गरि सम्मान गरिएको थियो। उपस्थित सम्पुर्ण पाहुना एवम् नेपाली दाजुभाइ दिदिबहिनीहरुलाई स्वागत गराउँदै सिर्जना साँस्कृतिक समुहका संरक्षक विज्ञान राईले स्वागत मन्तव्य राख्दै कार्यक्रम थप रोमान्चक बनाउनु भएको थियो

नेपाली परम्परा अनुसार देउसी भैली खेलेर उपस्थित सम्पुर्णलाई गायक विज्ञान् राई, प्रमोद पुजारी, तारा कुमार राई हार्मोनियम वाधक,राज यात्री बासुरी वाधक ,खुशिमान बिश्वकर्मा गितार ,देव बहादुर मादल, कृष्ण क्षेत्रीले निकै राम्रो मनोरञ्जन दिनु भएको थियो।

कार्यक्रम संचालक नागेश तामाङले कार्यक्रमलाई थप रोचक बनाउन हरेक कार्यलाई उतिकै न्याय दिँदै कार्यक्रमलाई मर्यादित तरिकाले संचालन गर्नु भएको थियो।

उज्यालो पर्वका रुपमा मनाईने शुभ दिपावली पर्वमा प्रवासमा रहेर पनि आफ्नो परम्परा र धार्मिक आस्थालाई थप उजागर बनाउन र लुकेका कलालाई बाहिर ल्याउने हितुले संचालन भएको उक्त कार्यक्रम भब्य र सभ्य तरिकाले मनाउँदै कार्यक्रममा उपस्थित स्थानिय कलाकारहरुले नृत्य ,गित,गजल,मुक्तक एवम् विभिन्न रचनात्मक र कलात्मक सिर्जना राख्दै कार्यक्रमलाई मनोरञ्जनात्मक बनाई कार्यक्रम निकै सफल बनाउनु भयो।

नेपालीहरुको उपस्थिति बाक्लो भएको कारण कार्यक्रमलाई सफल बनाउनु स्वयंसेवक समेत राखिएको थियो। प्रवासमा रहेर नेपालीहरुले समयका कारण र अति बाध्यताले स्वास्थ्य चेक गर्न नपाएको हुन सक्ने अनुमान गर्दै रियाद स्थित अबिर हस्पिटलबाट डाक्टर नर्स राखी उपस्थिति सम्पुर्ण नेपालीहरुका लागि निशुल्क स्वास्थ्य परिक्षण शिबिर राखिएको थियो।

कार्यक्रममा उपस्थित सम्पुर्ण नेपालीहरुबाट आर्थिक सहयोग समेत उठेको थियो आर्थिक रकम उठाउने क्रममा लक्की ड्र समेत आयोजना गरिएको थियो।

कार्यक्रम अवधिभर प्राविधिक रुपमा सहयोग गरेर तारा कुमार राई आफ्नो अतुलनीय योगदान दिनु भएको थियो।

सिर्जना साँस्कृतिक समूह २०११ सालमा राजदुतावासको प्राङ्गणमा कृष्ण थापाको अध्यक्षतामा विज्ञान् राई र नागेश तामाङको नेतृत्वमा स्थापना भएको थियो।

प्रवासमा रहेर सम्पुर्ण नेपाली दाजुभाई दिदिबहिनीहरुमा एउटा पर्व मनाउने वातावरण र प्रतिनिधित्व गरेकोमा सिर्जना साँस्कृतिक समुहलाई सम्पुर्ण नेपालीहरुले हार्दिक धन्यवाद ज्ञापन गर्दै कार्यक्रम समापन भएको थियो।