साउदी अरेबिया रियाद संवाददाता :- साउन २८, २०७७ अन्तर संस्था समन्वय समिती रियादले दुइजना पिडित महिलाहरूलाई खाद्यान्न राहत सामग्री प्रदान गरेको छ।
कोरोनाको महामारीका कारण कम्पनीमा काम बन्द भएर तलब समेत नपाई खानका लागि समस्या भएका दुई जना नेपाली चेलिहरुलाई उक्त खाद्यान्न सामग्री प्रदान गरिएको हो।
एक वर्ष अघि साउदी आएका उनिहरु साउदिको यान्बु भन्ने ठाउँमा रहेका छन। उनिहरु क्लिनरको काम गर्दै आएका थिए ।कम्पनीले काम दिन्छु भन्दै अल्मल्याएको र आफुलाई खान समेत समस्या भए पछि दलित एकता संजाल नेपाल (ncc)साउदिका सदस्य अर्जुन बिश्वकर्मा सङ्ग सहयोगको लागि अनुरोध गरेका थिए।
त्यसको लगत्तै संजाल साउदिका अध्यक्ष देवेन्द्र विश्वकर्मालाई जानकारी गराएर पहल शुरु गरिएको थियो।
अध्यक्ष देवेन्द्र विश्वकर्माले अन्तर संस्था समन्वय समिती रियादलाई जानकारी गराई सहयोगको लागि अनुरोध गर्नु भएको थियो।
तत्कालै अंतर संस्था समन्वय समिती रियादका अध्यक्ष अमृत पौडेलले पिडितको बारेमा जानकारी लिई एक महिनाको लागि खाद्यान्न सामग्री उपलब्ध गराउने भन्नु भएको थियो।उक्त अनुसार अंतर संस्था समन्वय समितिका सम्पुर्ण सदस्यहरुको सहमतिमा पिडितहरुलाई टेलिमनी बैंकका नेपालका लागि मेनेजर जितेन्द्र थपलिया को सहयोगमा हस्तान्तरण गरिएको हो।
Discussion about this post