चलचित्र ‘लप्पन छप्पन २’ को ‘झुसे बारुलो’ बोलको गीत सार्वजनिक ( भिड्यो )

चलचित्र ‘लप्पन छप्पन २’मा समावेश ‘झुसे बारुलो’ बोलको गीत सार्वजनिक भएको छ । यो चलचित्र आउने बर्षको वैशाख १२ मा प्रदर्शनमा आउने तयारीमा छ् । सार्वजनिक गीतमा आर्जन पाण्डे, विद्या तिवारी र मिस्टर आरजेको स्वर रहेको छ् भने शब्द तथा संगीत पनि मिस्टर आरजेकै रहेको छ् ।

गीतको भिड्योमा ‘लप्पन छप्पन २’ का मुख्य कलाकारहरु फिचर्ड भएका छन । भिड्यो हेर्दा मेकिङ राम्रो देखिएको छ् । मुकुन्द भट्टको निर्देशनमा तयार भएको चलचित्र ‘लप्पन छप्पन २’ मा शिव श्रेष्ठ, सौगात मल्ल, अर्पण थापा, अनुप विक्रम शाही, गोविन्द शाही, प्रकाश कुवँर, एन्जल श्रेष्ठको मुख्य भूमिका रहेको छ ।

चलचित्रलाई पुरुषोत्तम प्रधानले खिचेका हुन भने मिलन श्रेष्ठको सम्पादन ,मुकुन्द भट्ट, सुनिल न्यूरे, अमित शर्माको पटकथा, हिमाल केसी र मुकुन्द भट्टको एक्सन, किङ योगीको कोरियोग्राफी छ ।

चलचित्रमा चीजकुमार श्रेष्ठ, प्रकाश कुँवर, निर्मल कुमार मिश्र, सुदिपचन्द्र भाक्रेल, सन्तोष चन्द्र भाक्रेलको लगानी छ ।