‘लक्का जवान’ को गीत ‘मन त मेरो लक्का जवान’ मा दीलिपदेखि प्रियंकासम्मको ठुम्का (भिडियो)

चलचित्र ‘लक्का जवान’ को पहिलो गीत सार्वजनिक भएको छ । ‘मन त मेरो लक्का जवान’ बोलको गीतमा बाबुल गिरीको संगीत र डिपी खनालको शब्द छ भने गीतमा आवाज संगीतकार बाबुल गायिका मिना निरौला रहेको छ् । बुधवार राजधानीमा एक कार्यक्रम गर्दै चलचित्रको गीत सार्वजनिक गरिएको हो ।

गीतलाई कविराज गहतराजको कोरियोग्राफी गरेका हुन । सार्वजनिक गीतको भिड्योमा चलचित्र मुख्य कलाकार हरु फिचर्ड भएका छन । किरण केसी, शिवहरी पौडेल, राजाराम पौडेल, दीलिप रायमाझी, प्रियंका कार्की, वर्षा सिवाकोटी, सलोन बस्नेत, सुशील पोखरेल, सरोज खनाल, अञ्जु महर्जनलगायतले गीतमा ठुम्का लगाएका छन् ।

चैत २१ गते बाट प्रदर्शनमा आउने चलचित्र ‘लक्का जवान’ मा अनुसुयषा श्रेष्ठ, सुरेन्द्र केसी, जयनन्द लामा, सविता गुरुङ, यमन श्रेष्ठ, विमला गिरीलगायतका कलाकारहरुको पनि अभिनय रहेको छ ।

‘आमा बंगलामुखी फिल्म प्रोडक्सन’ को ब्यानरमा बनेको ‘लक्का जवान’ का ध्रुवदत्त र अनुसुयषा श्रेष्ठको प्रस्तुतीमा किरण केसी, दीलिप रायमाझी र शिवहरि पौडेल कार्यकारी निर्माताका रहेको फिल्म ‘लक्का जवान’ को सह-निर्मातामा सुशील अर्याल, राजाराम पौडेल, राज केसी, सुरेन्द्र केसी, दीपेन्द्र खनियालगायत छन् ।