साउदी अरबमा कोरोना संक्रमणको पछिल्लो अवस्था र अन्य जानकारी ।
१. आज मिति २०७७।०१।०३ (अप्रिल १५, २०२०) मा साउदी अधिकारीहरुले दिएको जानकारी अनुसार साउदी अधिराज्यमा कोरोना भाइरसबाट संक्रमितको संख्या ५८६२ पुगेको छ ।
आज थप ४९३ जनामा संक्रमण भएको छ । कूल संक्रमितहरु मध्ये हालसम्म ९३१ जना निको भएका छन् । आज ६ जना सहित जम्मा ७९ जना संक्रमितको मृत्यु भएको छ ।
थप नेपालीहरुमा संक्रमण भएको आधिकारिक जानकारीको सूचि प्राप्त भएको छैन ।
२. राजदूतावासले पटक पटक आफ्नो फेसबुकपेजमा राख्ने गरेको हटलाइन नम्वर ०५५९३८९६०० (WhatsApp सहित) मा आफ्ना तथ्यमा आधारित समस्याहरु पठाउनुहोस् ।
यो नम्वरमा लिखित रुपमा आएका धेरै समस्याहरु समाधानमा राजदूतावासले पहल गरी धेरै समाधान भएका छन् । आउँदा दिनमा पनि यो पहल जारी रहनेछ ।
३. कोरोना भाइरसको संक्रमणको यस संकटको घडीमा जहां हुनुहुन्छ त्यही सुरक्षित बस्नुहोस् । संसारभर आगामी केही दिनहरु यो भाइरसको संक्रमणका हिसावले अत्याधिक चुनौतीपूर्ण र जोखिमपूर्ण समेत रहेकाले अधिकांश मुलुकहरुले संक्रमण फैलन नदिन हरसम्भव सबै उपायहरु अवलम्वन गरेका छन् ।
यी उपायहरुमा हातेमालो गर्दै सहयोग गरौँ। संक्रमणको कारण नबनौँ र संक्रमण हुन बाट पनि बचौँ भन्ने अनुरोध छ ।
————————
नेपाली राजदूतावास, रियाद ।
२०७७।०१।०३
Discussion about this post