जुडो र पारा भारोत्तोलनका प्रशिक्षक जापान जाने | समृद्धि र साइपाल फाइनलमा

पारा प्रशिक्षक जापान जाने | पूरा समाचार पढनुहोस
राष्ट्रिय पारालिम्पिक कमिटी, नेपालले २०२० मा जापानको राजधानी टोकियोमा हुने पारालिम्पिकलाई मध्यनगर गरेर आयोजना भएको प्रशिक्षण कार्यक्रममा दुई जना प्रशिक्षकको विदाई गरेको छ । जुडो र पारा भारोत्तोलनका प्रशिक्षकले २० देखि २२ नोभेम्बरसम्म टोकियोमा हुने एडिटोड फाउन्डेसन र अन्तर्राष्ट्रिय पारालिम्पिक कमिटीको आयोजनाम हुने रोड टु गेम कार्यक्रम अन्तर्गत भएको विशेष प्रशिक्षण कार्यक्रममा सहभागीता जनाउन लागेको हुन् ।

राष्ट्रिय पारालिम्पिक कमिटी नेपालकी अध्यक्ष राधा घलेले सहभागी टोलीको आइतबार विदाई गरिन् । सो कार्यक्रममा पारा भारोत्तोलनतर्फ सञ्जय महर्जन र पारा जुडोतर्फ मोहन सुनुवारले सहभागीता जनाउन लागेका हुन् । विदाई कार्यक्रममा राष्ट्रिय पारालिम्पिक कमिटी नेपालका उपाध्यक्ष तथा नेपाल पारा भारोत्तोलन संघका अध्यक्ष टेकबहादुर गुरुङ र कोषाध्यक्ष ओमनाथ शिवाकोटीको सहभागीता थियो । २५ अगस्टदेखि ६ सेप्टेम्बरसम्म हुने जापानमा पारालिम्पिक हुँदै छ । ओलम्पिक सम्पन्न भएपछि सोहि स्थानमा पारालिम्पिक हुने गर्दछ । संघकी अध्यक्ष घरेलले अपाङ्गगता भएका व्यक्तिहरुको व्यक्तित्व विकास गर्न प्रशिक्षकको भूमिका महत्वपूर्ण हुने बताउँदै नेपालमा अपाङ्गगता भएकाहरुलाई खेलकुदमा समावेश गर्नका लागि धेरै भन्दा धेरै प्रशिक्षक उत्पादन गर्नुपर्ने बताइन् ।
उपाध्यक्ष गुरुङले स्रोत साधान जुटाएर  पारा खेलाडीका लागि प्रशिक्षणको व्यवस्था मिलाई टोकियो ओलम्पिकका लागि तयारी गरिरहेको बताए । ओमनाथ शिवाकोटीले पारा खेलाडीका लागि सबैको साथ र सहयोग आवश्यक रहने बताए ।

यो पनि पढनुहोस समृद्धि र साइपाल फाइनलमा
समृद्धि र साइपाल जेभियर कप यु–१९ बास्केटबल प्रतियोगिताको गल्र्सतर्फ आइतबार फाइनलमा प्रवेश गरेका छन् । समृद्धिले सोसिएल पब्लिक स्कुल, कास्कीलाई ५८–४४ ले पराजित ग¥यो । समृद्धिकी प्रतिक्षा पुनले १६ अंक जोडिन् । साइपालले आयोजक जेभियर ‘बी’ लाई ५२–३१ ले हरायो । साइपालकी ममता गुरुङले १५ स्कोर गरिन् ।

ब्वाइजमा लुम्बिनीले न्युटनलाई ५६–४९, गोल्डेनगेटले जेभियर ‘बी’ लाई ५६–२५, टाइम्सले सीसीआरसीलाई ६३–४० तथा जेभियर ‘ए’ ले कास्कीलाई ५८–४७ ले पाखा लगाउदै सेमिफाइनलमा पुगे ।