बलिउड चलचित्र ‘गुड न्युज’को ‘लाल घाग्रा’ बोलको गीत सार्वजनिक | अक्षय कुमार र करीना कपुर खान | भिडियो सहित

 १ पुष २०७६, मंगलवार – बलिउड चलचित्र ‘गुड न्युज’को ‘लाल घाग्रा’ बोलको गीत सार्वजनिक भएको छ । अक्षय कुमार र करीना कपुर खान, कियरा अडवानी र दिलजीत दोसाँझ स्टारर चलचित्रको सार्वजनिक गीतमा अक्षय कुमार र करीना कपुर फिचर्ड छन् । नेहा कक्कर, हेव्रि साहरा र मन्ज मुसिकको स्वर रहेको गीतमा हेव्रि साहारा र तनिश्क बाग्छिको शब्द तथा सङ्गीत रहेको छ ।

क्रिसमसको अवसर पारेर डिसेम्बर २७ देखि प्रदर्शनमा आउन लागेको चलचित्रमा अक्षय करीनासहित, दिलजित दोसाँध र कियरा अडवानी मुख्य भूमिकामा रहेका छन् । चलचित्र बच्चा नभएका दुई दम्पतीले बच्चाका लागि विट्रो फर्टिलाइजेशन आइभिएफ टेक्नोलोजीको सहारा लिँदा भएको कन्फ्युजन नै चलचित्रको मूल कथा हो ।

भिडियो हेर्नुहोस :-

दिलजीत-कियारा, अक्षय-करीनाको गुड न्युजको बिच निकै ठुलो कन्फ्युजन हुन्छन् । अस्पतालमा दुवै कपल्सको सरनेम बत्रा भएका कारण स्पर्म मिक्स अप हुन्छ । करीनामा दिलजीतको र कियारामा अक्षयको स्पर्म ट्रान्सफर भएको हुन्छ ।

चलचित्रलाई राज मेहताले निर्देशन गरेका हुन् भने हिरु जोहर, अरुना भाटिया, करण जोहर, अपूर्व मेहता र शशाङ्क खैतान चलचित्रका निर्माता हुन् । चलचित्रलाई ज्योति कपुर, राज मेहता र रिशब शर्माले लेखेका हुन् । चलचित्रको ट्रेलर र एक गीत केही दिन अघि नै सार्वजनिक भैसकेका छन् जसलाई दर्शकले निकै मन पराइरहेका छन् ।