न्यु भिजन सेमिफाइनलमा

काठमाडौं, मंसिर २ गते ।
न्यु भिजन दोश्रो हिमालय कप बास्केटबल प्रतियोगिताको जुनियर गल्र्समा सोमबार सेमिफाइनलमा प्रवेश गरेका छन् ।
कोटेश्वरस्थित आयोजक हिमालयको कोर्टमा भएको खेलमा न्यु भिजनले अक्षरालाई १३–१२ को साँघुरो अन्तरले पराजित ग¥यो । न्यु भिजनकी निशा गुरुङले ६ अंक जोडिन् । जुनियर ब्वाइजमा बीडीएसले एन्जल लर्डलाई ११–९ तथा स्किब्सले कोपेसलाई १४–१२ ले हराए ।

सिनियर ब्वाइजमा नवज्योतिले भ्याली पब्लिकलाई ४३–८ ले पाखा लगायो । नवज्योतिका रमेश पाण्डेले १४ स्कोर गरे । गल्र्समा एभरेष्टले कोपेसलाई ११–४ ले पन्छायो । प्लस टु ब्वाइजमा ट्रिनिटीले हिमालयमाथि ५९–४४ को जित दर्ता ग¥यो । ट्रिनिटीका किरण कँडेलले २५ अंक जोडे ।