रिभेराले काठमाडौं जेभियरलाई ४–० गोलले पराजित ग¥यो ।

काठमाडौं, मंसिर २ गते । रिभेराले चौथो ३६१ डिग्री पिस प्वाइन्ट कप अन्तरविद्यालय फुटबल प्रतियोगिताको ब्वाइजमा सोमबार जित हात पारेको छ ।
रिभेराले काठमाडौं जेभियरलाई ४–० गोलले पराजित ग¥यो । रिभेराका तेन्जिङ शेर्पाले २ तथा सुमन राई र ब्रिटेन तामाङले १–१ गोल गरे ।

पिस प्वाइन्ट स्कुलको आयोजनामा भइरहेको प्रतियोगिताको ब्वाइजमै अंकुर, अकाश गंगा र सप्त गण्डकी पनि विजयी भए । अंकुरले विज किड्सलाई ४–३ गोलले हरायो । अंकुरका सेहन्शा सैखले २ तथा राज विक र उज्ज्वल खतिवडाले १–१ गोल गरे । विज किड्सका दीपेश मगर, मिलन तामाङ र छिरिङ तामाङले १–१ गोल गरे ।

आकाश गंगाले एडभान्सलाई ३–० गोलले पाखा लगायो । विजेताका रुबेन लामा, सुजन तामाङ र आयुश ढकालले गोल गरे । सप्त गण्डकीले एआईएलाई २–० गोलले पन्छायो । विजयी टिमका लागि पेमबहादुर तामाङ र चन्द्रबहादुर तामाङले गोल गरे ।