जेभियर कप यु–१९ बास्केटबल उपाधि विजेता गोल्डेनगेट र साइपाल टोली ।

काठमाडौं, मंसिर ३ गते ।
गोल्डेनगेट इन्टरनेसनल कलेज र साइपाल एकेडेमीले जेभियर कप यु–१९ बास्केटबल प्रतियोगिताको उपाधि मंगलबार जितेका छन् । गोल्डेनगेट ब्वाइज तथा साइपाल गल्र्समा च्याम्पियन बने ।
जेभियर इन्टरनेसनल कलेजद्वारा आयोजित प्रतियोगिताको ब्वाइज फाइनलमा गोल्डेनगेटले आयोजक जेभियरलाई ६८–६५ ले पराजित ग¥यो । विजेताका प्रज्ज्वल मल्लले २५ अंक जोडे । गोल्डेनगेटले ७–१७, २२–१६, २४–११ र १५–२१ को प्रदर्शन ग¥यो ।
गल्र्सको उपाधि भिडन्तमा साइपालले समृद्धिलाई ५९–४५ ले हरायो । साइपालकी रोशनी श्रेष्ठले १९ स्कोर गरिन् । साइपालले पहिलो क्वाटरमा २०–८, दोश्रोमा १५–११, तेश्रोमा ११–१२ र चौथोमा १३–१४ अंक जोड्यो ।
विजेतालाई राष्ट्रिय खेलकुद परिषद्का सदस्य–सचिव रमेशकुमार सिलवाल, जेभियरका प्रमुख कार्यकारी अधिकृत लोक भण्डारीलगायतले एक कार्यक्रमबीच पुरस्कृत गरे ।

जगत मन्दिरको जित
जगत मन्दिरले चौथो ३६१ डिग्री पिस प्वाइन्ट कप अन्तरविद्यालय फुटबल प्रतियोगिताको ब्वाइजमा मंगलबार जित हात पारेको छ ।
सानो गौचरणमा भइरहेको प्रतियोगितामा जगत मन्दिरले बेबिलनलाई ६–० गोलले पराजित ग¥यो । विजेताका मिङमा दोर्जे शेर्पा र राहुल वाइबाले समान २–२ तथा बसन्त थापा मगर र अनिल गुरुङले समान १–१ गोल गरे ।
पिस प्वाइन्टद्वारा आयोजित प्रतियोगिताको ब्वाइजमै नोबेल र एजीएमले पनि सफलता पाए । नोबेलले ज्ञान निकेतनलाई ३–० गोलले हरायो । नोबेलका कृतन गिरी, प्रलवराज महत र सागर खड्काले गोल गरे । सम्भावी विरुद्धको खेलमा एजीएम ३–० गोलले विजयी भयो । एजीएमका विवेक गुरुङले २ तथा राजन यादवले १ गोल गरे । एक्मीले सेवा सदनबाट वाक ओभर पायो ।