इटहरी । सामुदायिक र सरकारी क्याम्पसका विद्यार्धीको आन्दोलन प्रायः देखिँदै आएको छ । तर, इटहरीका निजी कलेजका विद्यार्थीहरु पहिलोपटक आन्दोलित भएका छन् । कोरोनाको विश्वव्यापी महामारीको समयमा पनि शुल्क लिएको भन्दै विद्यार्थीहरुले आन्दोलन सुरु गरेका छन् ।
‘७ महिना पढाएर १२ महिनाको शुल्क लिने काम भएको छ । प्रश्न गर्दा उडाउने र धम्क्याउने काम भयो,’ आन्दोलनमा सहभागी विद्यार्थी निमा तामाङले गुनासो गरे। तामाङ जस्तै आक्रोशित बिद्यार्थीहरु अहिले इटहरीका कस्तुरी, विश्व आदर्श, कोसी, इटहरी नमुना लगायतका कलेजहरुमा आन्दोलनमा छन् । ‘वी वान्ट जस्टिस’ भन्दै विद्यार्थीहरु आन्दोलनमा छन् ।
तीन बिद्यार्थी संगठनको साथ
आन्दोलनरत निजी कलेजका विद्यार्थीलाई सुनसरीका तीन राजनीतिक विद्यार्थी संगठनले साथ दिएका छन् । नेकपा एमालेको विद्यार्थी संगठन अनेरास्ववियु, नेपाली काङ्ग्रेसको भात्री संगठन नेपाल विद्यार्थी संघ तथा माओवादी केन्द्रको अनेरास्ववियु(क्रान्तिकारी)का सुनसरी जिल्ला अध्यक्षत्र क्रमशः रोशन रेग्मी, मन्दिप भट्टराई र बुद्रुस लिम्बुले विज्ञप्तिमार्फत समर्थन जनाएका छन् । विद्यार्थीको जायज मागलाई समर्थन र चाँडो माग पूरा गर्न उनीहरुले निजी कलेजलाई आग्रह गरेका छन् ।
शिक्षकलाई तलब नदिने, विद्यार्थीबाट पूर्ण शुल्क माग
नपढाएको समयमा पनि विद्यार्थीबाट शुल्क असुलेर विवादमा आएका इटहरीका निजी कलेजले आफ्ना शिक्षकहरुलाइ भने तलवसमेत नदिएको खुलेको छ। विद्यार्थीसँग शिक्षक र कर्मचारीको तलव आवश्यक भन्दै पैसा असुले पनि शिक्षकलाई तलब नदिएको एक पुराना निजी कलेजका शिक्षकले बताए। ‘हामीलाई लकडाउन भन्दै तलब दिइएन तर विद्यार्थीसँग भने हामीलाई दिनुपर्ने भन्दै मागेको पाइयो,’ नाम सार्वजनिक गर्न नचाहने एक शिक्षकले भने, ‘यो कुरा विद्यार्थीले बुझे र, आन्दोलन गरे। अहिलेको नयाँ पुस्ता सबै सूचनामा जानकार छ।’
शिक्षकहरुको एकता हुने हो भने विद्यार्थीको जस्तै आन्दोलन उठ्न सक्ने उनले बताए। तर, व्यवस्थापन रिसाउला भनेर धेरै आँट नगरेको उनले बताए ।
लकडाउनको नाममा तलब नपाएका आक्रोशित शिक्षक र आन्दोलित विद्यार्थीसँग निजी कलेज व्यवस्थापन छैन । चैत १ गते एक बिग्यप्ती निकाल्दै निजी कलेजको छाता संस्था उच्च शिक्षालय तथ्य माध्यमिक बिध्यालय संघ (हिसान) सुनसरी अध्यक्ष मुकुन्द घिमिरे र सचिव सागर भट्टराईले आन्दोलनलाई ‘कुतर्क’को दर्जा दिए ।
‘शैक्षिक सत्र पूरा गरेका विद्यार्थीबाट शुल्क लिनु तथा शिक्षक तथा कर्मचारीहरुको सम्पुर्ण पारिश्रमिक दिनु शिक्षालयहरुको दायित्व र कर्तव्य भित्र पर्ने भएकोले कसैका कुतर्कका पछि लागेर आफ्नो भविश्य जोखिममा पर्न नदिन र त्यसतर्फ अभिमुख नहुन सम्पूर्ण विद्यार्थी तथा अभिवाभकहरुलाई अनुरोध गरिन्छ,’ १ गतेको विज्ञप्तिमा भनिएको छ। अनलाइन कक्षा लिएर शुल्क लिएको हिसान सुनसरीको तर्क छ। तर, बहुसंख्यक विद्यार्थीको पहुँच र सहभागी नभएको कक्षाको अर्थ नभएको विद्यार्थीहरुको भनाइ छ ।
इटहरी । सामुदायिक र सरकारी क्याम्पसका विद्यार्धीको आन्दोलन प्रायः देखिँदै आएको छ । तर, इटहरीका निजी कलेजका विद्यार्थीहरु पहिलोपटक आन्दोलित भएका छन् । कोरोनाको विश्वव्यापी महामारीको समयमा पनि शुल्क लिएको भन्दै विद्यार्थीहरुले आन्दोलन सुरु गरेका छन् ।
‘७ महिना पढाएर १२ महिनाको शुल्क लिने काम भएको छ । प्रश्न गर्दा उडाउने र धम्क्याउने काम भयो,’ आन्दोलनमा सहभागी विद्यार्थी निमा तामाङले गुनासो गरे। तामाङ जस्तै आक्रोशित बिद्यार्थीहरु अहिले इटहरीका कस्तुरी, विश्व आदर्श, कोसी, इटहरी नमुना लगायतका कलेजहरुमा आन्दोलनमा छन् । ‘वी वान्ट जस्टिस’ भन्दै विद्यार्थीहरु आन्दोलनमा छन् ।
तीन बिद्यार्थी संगठनको साथ
आन्दोलनरत निजी कलेजका विद्यार्थीलाई सुनसरीका तीन राजनीतिक विद्यार्थी संगठनले साथ दिएका छन् । नेकपा एमालेको विद्यार्थी संगठन अनेरास्ववियु, नेपाली काङ्ग्रेसको भात्री संगठन नेपाल विद्यार्थी संघ तथा माओवादी केन्द्रको अनेरास्ववियु(क्रान्तिकारी)का सुनसरी जिल्ला अध्यक्षत्र क्रमशः रोशन रेग्मी, मन्दिप भट्टराई र बुद्रुस लिम्बुले विज्ञप्तिमार्फत समर्थन जनाएका छन् । विद्यार्थीको जायज मागलाई समर्थन र चाँडो माग पूरा गर्न उनीहरुले निजी कलेजलाई आग्रह गरेका छन् ।
शिक्षकलाई तलब नदिने, विद्यार्थीबाट पूर्ण शुल्क माग
नपढाएको समयमा पनि विद्यार्थीबाट शुल्क असुलेर विवादमा आएका इटहरीका निजी कलेजले आफ्ना शिक्षकहरुलाइ भने तलवसमेत नदिएको खुलेको छ। विद्यार्थीसँग शिक्षक र कर्मचारीको तलव आवश्यक भन्दै पैसा असुले पनि शिक्षकलाई तलब नदिएको एक पुराना निजी कलेजका शिक्षकले बताए। ‘हामीलाई लकडाउन भन्दै तलब दिइएन तर विद्यार्थीसँग भने हामीलाई दिनुपर्ने भन्दै मागेको पाइयो,’ नाम सार्वजनिक गर्न नचाहने एक शिक्षकले भने, ‘यो कुरा विद्यार्थीले बुझे र, आन्दोलन गरे। अहिलेको नयाँ पुस्ता सबै सूचनामा जानकार छ।’
शिक्षकहरुको एकता हुने हो भने विद्यार्थीको जस्तै आन्दोलन उठ्न सक्ने उनले बताए। तर, व्यवस्थापन रिसाउला भनेर धेरै आँट नगरेको उनले बताए ।
लकडाउनको नाममा तलब नपाएका आक्रोशित शिक्षक र आन्दोलित विद्यार्थीसँग निजी कलेज व्यवस्थापन छैन । चैत १ गते एक बिग्यप्ती निकाल्दै निजी कलेजको छाता संस्था उच्च शिक्षालय तथ्य माध्यमिक बिध्यालय संघ (हिसान) सुनसरी अध्यक्ष मुकुन्द घिमिरे र सचिव सागर भट्टराईले आन्दोलनलाई ‘कुतर्क’को दर्जा दिए ।
‘शैक्षिक सत्र पूरा गरेका विद्यार्थीबाट शुल्क लिनु तथा शिक्षक तथा कर्मचारीहरुको सम्पुर्ण पारिश्रमिक दिनु शिक्षालयहरुको दायित्व र कर्तव्य भित्र पर्ने भएकोले कसैका कुतर्कका पछि लागेर आफ्नो भविश्य जोखिममा पर्न नदिन र त्यसतर्फ अभिमुख नहुन सम्पूर्ण विद्यार्थी तथा अभिवाभकहरुलाई अनुरोध गरिन्छ,’ १ गतेको विज्ञप्तिमा भनिएको छ। अनलाइन कक्षा लिएर शुल्क लिएको हिसान सुनसरीको तर्क छ। तर, बहुसंख्यक विद्यार्थीको पहुँच र सहभागी नभएको कक्षाको अर्थ नभएको विद्यार्थीहरुको भनाइ छ ।
Discussion about this post