बर्दिया ०४ मंसिर । विना खनजोत गहुँ खेती गर्न प्रर्दशनी

बर्दिया ०४ मंसिर । विना खनजोत गहुँ खेति गर्ने प्रविधिका बारेमा किसानहरुलाई जानकारी दिन प्रर्दशनि गरिएको छ । सिमिट इन्टरनेशनलद्धारा सन्चालित सिसा परियोनाको आयोजनामा बर्दियाको गुलरियामा रहेको कृषि हाट बजारमा गहुँ छर्ने आधुनिक सिडड्रिल मेसिनको प्रर्दशनि गरीएको छ । धान काटिसकेपछि जग्गा नजोतिकननै ट्रयाक्टरबाट चल्ने जिरो टिल सिडड्रिल मेसिनबाट सिधै लाईनमा छर्न सकिने प्रविधि भएकाले यसको फाइदा किसानले उठाउन भनेरै प्रर्दशनि गरिएको सिसा परियोजनाका क्षेत्रिय कोर्डिनेटर सालिन आचार्यले बताउनुभयो ।

विना खनजोत गहुँ लगाउदा जमिनको तयारी गर्दा खर्चको बचतका साथै मलखाद र विउको पनि राम्रो सदुपयोग हुने, सिचाई गर्दा पानी कम लाग्ने, गहुँको पात पहेलो हुने समस्या कम हुने र उत्पादनमा वृद्धि हुने फाइदाहरु रहेको सिसा परियोजनाका कृषि प्रावधिक हरि आचार्यले बताउनुभयो ।

कृषि प्रावधिक आचार्यले विना खनजोत गहुँ खेती गर्दा प्रशस्त चिस्यान भएको, खेत सम्म र झारपात रहित जग्गाको उचित छनोट गर्नुपर्ने जनाउनुभयो । उहाँले जग्गासगै उन्नत जातको बीउको छनोट, डिएपि मल, बीउको गहिराई र लाइनको दुरीमा विशेष ख्याल किसानले राख्नुपर्ने जानकारी दिनुभयो । जिरो टिल सिडड्रिल मेसिनको प्रर्दशनि ३ सय बढि किसानहरुले अवलोकन गरेका थिए ।