जानकी, ५ मंसिरःजानकी गाउँपालिकाले आर्थिक वर्ष २०७६÷०७७ को योजना कार्यान्वयन गर्न गठन भएका उपभोक्ता समितिका लागि अभिमुखीकरण तालिम दिन शुरु गरेको छ ।
वडा नं.५ र ६ मा गठन भएका उपभोक्ता समितिका पदाधिकारीहरुको लागि आयोजित अभिमुखीकरण तालिमको उद्घाटन समारोहमा बोल्दै गाउँपालिकाका अध्यक्ष रामनिवास यादवले योजनाको स्टिमेट अनुसार गुणस्तर कायम गरेर निर्माण कार्य समयमै सम्पन्न गर्न उपभोक्ता समितिका पदाधिकारीलाई आग्रह गर्नुभयो ।
उहाँले स्टिमेट भन्दा बाहिर गएर गरिएको निर्माणको फच्छ््यौट नहुने भएकोले जनसमुदायबाट समेत फच्छ््यौट हुनेगरी काम गर्नुपर्नेमा उहाँले जोड दिनुभयो ।
उपाध्यक्ष भूमिसरा धितालले आफ्नो वडाको विकास गर्ने अवसर पटक पटक नआउनेभएकोले यो अवसरलाई सदुपयोग गर्दै इमान्दारिताका साथ काम गर्न आग्रह गर्नुभयो ।
गाउँपालिकाका प्रमुख प्रशासकीय अधिकृत हरिबहादुर खत्रीले आफ्नो गाउँको विकास निर्माण इमान्दारिताका साथ गर्नु पर्ने बताउनुभयो । गाउँका सबै जनतासामु पारदर्शी र इमान्दारीताका साथ गुणस्तरीय काम गर्नु उपभोक्ता समितिको जिम्मेवारी भएको उल्लेख गर्नुभयो ।
कार्यक्रममा गाउँपालिका वडा नं. ५ का अध्यक्ष रमेशकुमार बर्मा, कार्यपालिका सदस्य एवम्् पूर्वाधार समिति संयोजक राजकुमार धोवी, गाउँपालिका सचिवालय सल्लाहकार किशोर थापा, योजना शाखा प्रमुख इन्जिनियर निसार अहमद दर्जी, प्रशासन प्रमुख भलाराम पंगालीले तालिमको सहजिकरण गर्नुभएको छ ।
Discussion about this post