जेम्सलाई फुटसल उपाधि , ग्यालेक्सी र काष्ठमण्डप क्वाटरफाइनलमा , ग्रामर र हिमालयन फाइनलमा

काठमाडौं, पुस ७ गते ।
जेम्सले दोश्रो क्युकेएस स्पोर्ट्स मिटअन्तर्गत ब्वाइज फुटसलको उपाधि जितेको छ । युरो स्कुलमा भएको फाइनलमा जेम्सले इम्पेरियललाई पराजित ग¥यो । प्रिमियर इन्टरनेसनल स्कुलले तेश्रो स्थानमा चित्त बुझायो ।
काठमाडौं क्वालिटी स्कुल (क्युकेएस) द्वारा आयोजित प्रतियोगितामा राज अग्रहरी उत्कृष्ट खेलाडी, सौरव कार्की उत्कृष्ट गोलरक्षक र समिर नेम्कुल उत्कृष्ट प्रशिक्षक घोषित भए । उत्कृष्टत्रय जेम्सका हुन् । संस्कृति इन्टरनेसनल स्कुलका अगत अधिकारी सर्वाधिक गोलकर्ता बने ।

गल्र्स फुटसलमा प्रिमियर पहिलो, संस्कृति दोश्रो तथा एलआरआई तेश्रो भए । संस्कृतिकी शशिका अमात्य उत्कृष्ट खेलाडी, प्रिमियरकी डायना राजभण्डारी उत्कृष्ट गोलरक्षक र प्रिमियरका सुरज महर्जन उत्कृष्ट प्रशिक्षक चुनिए । प्रिमियरकै पर्मिता श्रेष्ठ सर्वाधिक गोलकर्ता बनिन् ।

बुद्धिचालको छात्रतर्फ कक्षा १ देखि ४ मा ब्रिटिस स्कुलका तरुस मुरे, कक्षा ५ देखि ६ मा निसर्गका अनुस्ना गौतम, कक्षा ७ देखि ८ मा त्रियोगका कुशल बेल्वासे तथा कक्षा ९ देखि १० मा त्रियोगकै कपिल घिमिरे पहिलो भए । त्यस्तै छात्राको कक्षा १ देखि ४ मा कृपा बेल्वासे, कक्षा ५ देखि ६ मा रिया श्रेष्ठ, कक्षा ७ देखि ८ मा मार्सल तामाङ तथा कक्षा ९ देखि १० मा उन्नती सिलवालले शीर्ष स्थान हात पारे । पहिलो हुने चारै खेलाडी त्रियोगका हुन्

2) ग्यालेक्सी र काष्ठमण्डप क्वाटरफाइनलमा
ग्यालेक्सी पब्लिक स्कुल र काष्ठमण्डप आठौं एक्सेल्सियर कपअन्तर्गत यु–१६ ब्वाइज फुटबलमा सोमबार क्वाटरफाइनलमा प्रवेश गरेका छन् । दुवै दोहोरो जित निकाल्दै क्वाटरफाइनलमा पुगेका हुन् ।
ग्यालेक्सीले एलआरआईलाई ४–१ गोलले पराजित ग¥यो । ग्यालेक्सीका जीवन बस्नेतले ३ तथा फिन्जु शेर्पाले १ गोल गरे । एलआरआईका ऋगदेवी मगरले सान्त्वना गोल गरे । अर्को खेलमा ग्यालेक्सीले होली भिजनलाई ४–१ गोलले हरायो । ग्यालेक्सीका फिन्जु र जीवनले समान २–२ गोल गरे । होली भिजनका शुभम् शाहीले १ गोल फर्काए ।

काष्ठमण्डपले एपेक्स लाइफलाई ४–० गोलले पाखा लगायो । काष्ठमण्डपका विभव केसीले २ तथा अर्सेज प्रसाईं र कृसिभ भट्टराईले १–१ गोल गरे । अर्को प्रतिस्पर्धामा काष्ठमण्डपले बृहस्पतिलाई ६–१ गोलले पन्छायो । काष्ठमण्डपका विभवले ह्याट्रिक गरे भने अमिर, कुशल र कृसिभले १–१ गोल गरे । बृहस्पतिका जेविन लिम्बूले १ गोल गरे ।
फुटबलकै यु–१६ ब्वाइजमा इलाइट को–एडले महामञ्जुश्रीलाई ५–३ तथा बृहस्पति विद्य सदनले एपेक्स लाइफलाई ३–१ गोले पाखा लगाए ।

बास्केटबलको जुनियर ब्वाइजमा नवजीवनले न्यु अरुणोदयलाई २८–२२ ले पराजित गर्दै क्वाटरफाइनलमा स्थान सुरक्षित ग¥यो । नव जीवनका डिजोकर देवकोटाले ११ अंक जोडे । सिनियर ब्वाइजमा आयोजक एक्सेल्सियरले स्वर्णिमलाई ४६–२२ तथा रेडिअन्टले होली भिजनलाई ४४–१२ ले हराउदै क्वाटरफाइनलमा स्थान पक्का गरे । एक्सेल्सियरका साश्वत डंगोलले १७ तथा रेडिअन्टका उपेन्द्र बस्नेतले २१ स्कोर गरे । सिनियर गल्र्समा एभीएमले महामञ्जुश्रीलाई ९–१ ले पन्छायो । एभीएमकी डोल्मा शेर्पाले सम्भव सबै ९ अंक जोडिन् ।

3) ग्रामर र हिमालयन फाइनलमा
ग्रामर र हिमालयन चौथो फिजम कप अन्तरविद्यालय बास्केटबल प्रतियोगिताको ब्वाइजतर्फ सोमबार फाइनलमा प्रवेश गरेका छन् ।
ग्रामरले जेनिअमलाई १००–५३ ले पराजित ग¥यो । ग्रामरको जितमा आर्यन मल्लले ३७ अंक योगदान गरे । प्रनुपको २२ अंक सहयोगमा हिमालयनले हेब्रोनलाई ५९–३६ ले हरायो ।

फिजमद्वारा आयोजित प्रतियोगिताको गल्र्समा ग्रामर र न्यु भिजन उपाधिका लागि भिड्ने छन् । ग्रामरले जेनिअमको चुनौती १८–१० ले समाप्त पा¥यो । ग्रामरकी रञ्जना वाइबाले ९ अंक जाडिन् । न्यु भिजनले हिमालयनलाई २२–११ ले पाखा लगायो । न्यु भिजनकी युनिशा बुढाथोकीले ८ स्कोर गरिन् । फाइनल मंगलबार हुने छ ।

4) विनायक क्वाटरफाइनलमा
विनायक स्कुल पाँचौं नेफ–साइपाल अन्तरविद्यालय छात्र फुटबल प्रतियोगितामा सोमबार क्वाटरफाइनलमा प्रवेश गरेको छ ।
नेफ र साइपाल एकेडेमीद्वारा संयुक्त आयोजित प्रतियोगितामा विनायकले अरुणोदयलाई २–१ गोलले पराजित ग¥यो । विनायकका सचिन राई र सुवास परियारले गोल गरे । अरुणोदयका मनोज राईले १ गोल फर्काए ।
त्यस्तै नेक्ससले एकता जेम्सलाई १–०, समटाले टीआईएलाई ४–२ (टाइब्रेकर) तथा जीवन ताराले छहारीलाई १–० गोलले हराउदै क्वाटरफाइनल यात्रा तय गरे ।

5) ब्रिजवाटर सेमिफाइनलमा
आयोजक ब्रिजवाटर इन्टरनेसनल कलेज प्रथम ब्रिजवाटर कप उपत्यकाव्यापी अन्तरकलेज छात्र फुटबल प्रतियोगितामा सोमबार सेमिफाइनलमा प्रवेश गरेको छ ।
ब्रिजवाटरले माइलस्टोनलाई २–१ गोलले पराजित ग¥यो । ब्रिजवाटरका रोशनसिंह विष्ट ‘म्यान अफ द म्याच’ घोषित भए ।
लिटिल एन्जल्स (एलए) र सैनिक आवसीय महाविद्यालय पनि सेमिफाइनलमा पुगे । एलएले विनायकलाई ४–३ तथा सैनिकले ब्राइट फ्युचरलाई ३–० गोलले हराए । एलएका सुरज चन्द तथा सैनिकका सर्वोच्च राई ‘म्यान अफ द म्याच’ चुनिए ।