स्व. लोक बहादुर थापा मगर स्मृति रनिङ शिल्ड क्रिकेट प्रतियोगिता नेपालगन्ज क्याम्पस र होलिल्याण्ड उच्च मावि नेपालगन्ज बिजयी
मंसिर ८ कोहलपुर
यज्ञ रोका
स्व. लोक बहादुर थापा मगर स्मृति रनिङ शिल्ड क्रिकेट प्रतियोगितामा नेपालगन्ज क्याम्पस र होलिल्याण्ड उच्च मा बि नेपालगन्ज विजयी भएको छ । नेपालगन्ज क्याम्पसले कोहलपुर क्रिकेट एकेडेमी बि टिम लाई ८ विकेटले पराजित गरेको हो । खेलमा टस जितेर पहिला व्याटिङ गरेको कोहलपुर एकेडेमीले १६ ओभरमा अल आउट हुँदै ६५ रन बनाएको थियो । उसका लागि अरमान मल्लिकले १४ रन बनाउनु बाहेक अन्यले दोहोर अंक समेत छुन सकेनन्् । नेपालगन्ज क्याम्पसका बलर अफजल खांन र सुनिल भन्डारीले २–२ विकेट लिए ।
जबाफी व्याटिगमा आएको नेपालगन्ज कलेजलेले ७.५ ओभरमा २ बिकेट गुमाउँदै विजयी लक्ष भेटायो उसका लागि सुनिल भडारीले २९ रन जोडे । कोहलपुरका बलर युबराज शर्माले १ विकेट लिए । खेलमा नेपालगन्ज क्याम्पसका सुनिल भन्डारी म्यान अफ द म्याच घोषित भए । त्यस्तै दोस्रो खेलमा होलिल्याण्डले कोहलपुर क्रिकेट एकेडेमी ए टिम लाई २४ रनले पराजित गरेको हो । खेलमा पहिला व्याटिग गरेको होलिल्याडले २० ओभरमा ४ बिकेट गुमाउँदै १ सय २९ रन बनाएको थियोे । उसका लागि अनुपम सिंहले ६७,प्रनित थापाले १९ र शम्शुदिन अन्सारीले १३ रन जोडे ।
कोहलपुरका बलर रोशन शाहले १ विकेट लिए । कोहलपुर क्रिकेट एकेडेमी ए टिमले २० ओभरमा ६ विकेट गुमाएर १ सय ५ रन मात्र बानाउन सक्यो । होलिल्याडका बलर सुनिल सुनारले २ नासिर अन्सारी ले १ विकेट लिए । प्रतियोगिता १२ गते सम्म कोहलपुर क्रिकेट मैदानमा संचालन हुने प्रतियोगिता लिग कम नकआउटका आधारमा खेल हुने प्रतियोगिताको संयोजक सरोवर प्रसाईले जानकारी दिनुभयो ।
प्रतियोगिता बाँके जिल्ला क्रिकेट संघ अध्यक्ष एवम प्रदेश नम्बर ५ अध्यक्ष दुर्गा थापाले आफ्ना स्व. बुबाको स्मृतिमा प्रायोजन गरेका हुन ।
प्रतियोगितामा होलिल्यान्ड उच्च मावि, नेपालगन्ज क्याम्पस ,नेपाल टाइगर, जेगवार स्पोर्टस क्लब, कोहलपुर क्रिकेट एकेडेमी ‘ए’ र ‘बी’ले प्रतिस्पर्धा गर्नेछन । प्रतियोगिताको विजेता टोलीले नगद १ लाख १ सय, उपविजेताले ५१ हजार, म्यान अफ द सिरिजले ११ हजार, उत्कृष्ट ब्याटसम्यान र वलरले समान ५ हजार १ सय र प्रत्येक खेलको म्यान अफ द म्याचले १५ सय रुपैया पाउने आयोजक बाँके जिल्ला क्रिकेट संघका अध्यक्ष दुर्गा थापाले बताउनु भयो ।
Discussion about this post