जाजरकोटमा दलित युवाको हत्यापछि निश्चल बस्नेतले लेखे, ‘जातको कुरा आफ्नो घरमा गरौं’ :

अन्र्तजातिय प्रेम सम्बन्ध कारण जाजरकोट भेरी नगरपालिका ४, रानागाउँ २० वर्षिय नवराज विक र उनका दुई साथीहरुको हत्या भएको छ ।

दलित जात भएकै कारण गाउँले मिलेर गरिएको यस निमर्म हत्याको सामाजिक सञ्जालमा चर्को बिरोध भैरहेको छ । नेपाली फिल्मका सफल निर्देशक तथा नायक निश्चल बस्नेतले यस घटनाबारे आफ्नो अभिव्यत्ती दिएका छन् ।

‘हामी चेतनसील प्राणी हौं भने आजैदेखि आफ्नो घरमा कुरा गरौं । कुरा गरौं, नामको पछी जोडिने जात को । जातले मानिसमा घृणाको बिऊ छर्छ भने यो पहिचान के काम को भयो । हामिले परिवर्तन गर्ने भनेको हाम्रो समयको समाज हो । मानिस भएर मानिसलाई नै तल्लो जात र माथील्लो जातमा तौलिने समाजले प्रगती गरेर के नै नाप्छ र ? मान्छेलाई जातले ठुलो सानो बनाउँदैन, उसको सोच, उसले गर्ने कर्मले देखाउँछ ।

उसलाई समाजले कतिको मान सम्मान दिन्छ भनेर भन्ने कुरा तपाई हाम्रै आफन्तसंग कुरा गर्न थालौं । यो जातको नाममा हुने कुरितिको घैंटो फुटाउन हामिले आफ्नै घरबाट कुराकानी सुरु नगरे आउने दिनहरुमा यस्ता घटना फेरी देख्न सुन्नु पर्नेछ । कानुन छ, कानुन पनि लाग्छ यस्तो रित अपनाउनेहरुलाई तर कानुनले कसुरवार ब्यक्तिलाई सजाय दिन सक्छ । यस्ता सोच नै बदल्न चै तपाई हामी यहि समाज भित्रका मानिसहरुले नै यहि समाजभित्रै बस्ने त्यस्ता मानिसको घैंटोमा घाम लाग्ने गरी आवाज ठुलो बनाउन जरुरी छ । समाज बदल्ने हो भने सोच बदल्न तिर लागौं’, समाचारको लिंक सेयर गर्दै निश्चल बस्नेतले आफ्नो फेसबुक वालमा लेखेका छन् ।