‘गोर्खा वारियर’ को टेस्ट टिजर सार्वजनिक (भिडियो)

निर्देशक मिलन चाम्सको मेगा प्रोजेक्ट ‘गोर्खा वारियर’ को टेस्ट टिजर सार्वजनिक भएको छ । चाम्सको निर्देशनमा निर्माण हुने अन्तररास्ट्रिय स्तरको फिल्मको टिजरमा सोमबार सार्वजनिक गरिएको हो । वीर गोर्खालीको कथामा निर्माण हुने फिल्म केहि समय पश्चात छायांकन सुरु गरिने छ ।

केही हलिउड कलाकार र ५० प्रतिशत हलिउड प्राविधिक रहने फिल्मलाई नेपाली र अंग्रेजी भाषामा तयार गरिने निर्देशक चाम्सले बताए । फिल्ममा दयाहाङ राई, प्रशान्त तामाङ, वर्षा सिवाकोटी, बुद्दि तामाङ, विजय लामा, माओत्से गुरुङ, कविता आले, रुपा पुन फाइनल भएका छन् । ‘गोर्खा वारियर’ बाट रितेश चाम्सले डेब्यु गर्नेछन् ।

सार्वजनिक टिजरमा समाबेश दृस्यहरु फिल्ममा नरहने निर्देशक मिलन चाम्सले बताएका छन् । यूके, अफगानिस्तान र नेपालमा छायांकन हुने फिल्मका लागि एक अभिनेत्रीको खोजी भैरहेको छ । लण्डन सिने आइ प्रोडक्सनको व्यानरमा निर्माण हुने फिल्मको स्क्रिप्ट प्रदीप भारद्वाजले लेखेका हुन् ।