विदेशी खेलाडीको विमा आईएमईले गर्ने | जगत मन्दिर र सेन्ट जोसेफको जित

काठमाडौं, मंसिर ९ गते ।
मंसिर १५ गतेदेखि हुने १३ औं दक्षिण एसियाली खेलकुद (साग) मा सहभागी हुने विभिन्न देशका खेलाडी, प्रशिक्षक, निर्णायक, अफिसियललगायतको दुर्घटना विमा आईएमई जनरल इन्स्योरेन्स लिमिडेटले गर्ने भएको छ । सो सम्बन्धी सम्झौता पत्रमा राष्ट्रिय खेलकुद परिषद्का सदस्य–सचिव रमेशकुमार सिलवाल र आईएमईका प्रमुख कार्यकारी अधिकृत युगेशभक्त बादे श्रेष्ठले सोमबार हस्ताक्षर गरे ।
सागमा सहभागी हुने करिब ७ हजार ५ सय विदेशीको ५ लाखका दरले दुर्घटना विमा गरिएको स्वास्थ्य समितिका सचिव तिलक नेपालीले जनाएका छन् । नेपाली खेलाडीलगायतको विमा भने यसअघि नै भइसकेको छ ।

जगत मन्दिर र सेन्ट जोसेफको जित
जगत मन्दिर र सेन्ट जोसेफले १२ औं ओडिसी कप अन्तरविद्यालय बास्केटबल प्रतियोगिताको जुनियर ब्वाइजमा सोमबार जित हात पारेका छन् ।
जगत मन्दिरले बाल विकासलाई १९–१० ले पराजित ग¥यो । जगत मन्दिरको जितमा लाक्पा तामाङले ८ अंक योगदान गरे । क्षितिज मगरको ९ अंक सहयोगमा सेन्ट जोसेफले नेपाल मोडेललाई १८–१० ले हरायो ।
जुनियर ब्वाइजमै स्किब्सले स्काइलार्कलाई २४–१३, नवजीवनले पारामाउन्टलाई २६–१७, गोल्डेनपिकले प्राण्जलीलाई १७–८, बीएनएले ग्रिनल्यान्डलाई २७–२३, सेबले हिमालयलाई २८–१५ र कौशलले हिमरश्मीलाई १०–७ ले पाखा लगाए ।

ज्ञान निकेतन र ट्रिनिटी फाइनलमा
ज्ञान निकेतन र ट्रिनिटी दोश्रो हिमालय कप बास्केटबल प्रतियोगिताको प्लस टु ब्वाइजतर्फ सोमबार फाइनलमा प्रवेश गरेका छन् ।
ज्ञान निकेतनले न्यु जेनिथलाई ५८–४९ ले पराजित ग¥यो । विजेताका नयन परियारले २३ अंक जोडे । ट्रिनिटीले सीसीआरसीलाई ८३–७१ ले हरायो ।
सिनियर गल्र्समा रातो बंगलाले न्यु भिजनलाई ३८–३६ तथा त्रिज्योतिले स्वप्न वाटिकालाई २१–२० ले पाखा लगाउदै फाइनलमा स्थान पक्का गरे । रातो बंगलाकी निर्देशीका बस्नेतले १७ तथा त्रिज्योतिकी श्रृष्टि राईले ७ स्कोर गरे । जुनियर ब्वाइजमा ज्ञान निकेतनले न्यु भिजनलाई २४–१८ तथा सिनियर ब्वाइजमा त्रिज्योतिले इनोभेटिभलाई ३९–२५ ले पन्छ्याउदै फाइनलमा स्थान सुरक्षित गरे ।
तेक्वान्दोका सञ्जीव र राजुलाई स्वर्ण