साउदी अरबमा एक नेपाली पत्रकार युवाको निधन

भीम बिश्वकर्मा : रियाद १३ साउन २०७७
साउदी अरबमा कार्यरत एक नेपाली युवाको निधन भएको छ विगत लामो समयदेखी साउदी अरबलाई आफ्नो कर्मथलो बनाउदै आउनु भएको रोशन श्रेष्ठको निधन भएको हो । अचानक् आफ्नो स्वास्थमा खराबी आएपछी स्वास्थ्य जाँचको लागि अस्पतालमा जाँदा मृर्तक श्रेष्ठलाई कोभिड १९ को संक्रमण देखिएको थियो ।

उक्त संक्रमण पछि उहाँको उपचार दमामस्थित सेन्ट्रल हस्पिटलमा भैरहेको थियो । निकै लामो समयदेखी स्वास्थ्यमा सुधार नआएपछि २६ जुलाईका दिन सदाका लागि श्रेष्ठ अस्ताएका हुन । साउदी अरबका लागि नेपाली राजदुतावासका राजदुत महेन्द्र सिँह राजपुतले उहाँको निधन पुष्टि गर्नुभएको छ।

त्यसैक्रममा राजपुतले उहाँको निधनको खास कारण कोरोना नै हो भन्न सकिँदैन उहाँको अन्तिम रिपोर्ट आइसकेपछी मात्र पुष्टि हुनेछ भन्ने बताउनु भएको छ । दमामका लागि दूतावासका कर्मचारी हरि घिमिरेले श्रेष्ठको मृत्युको कारण अन्तिम रिपोर्ट आएपछी मात्र पुष्टि हुने कुरा उल्लेख गर्नु भएको छ।

श्रेष्ठ रोजगारी कै क्रममा पनि आफू एक कुशल पत्रकार बनेर साउदी अरबमा कार्यरत नेपालीहरुको हरेक दु:ख पीडाहरुमा साथ र सहयोग दिँदै आउनु भएको थियो।साउदी अरबबाट प्रकाशित “अरब नेपाल”न्यूजका प्रबन्ध निर्देशक समेत हुनुहुन्थ्यो । विश्व कोभिड (१९) संग लडिरहेको बेला सम्पुर्ण कामकाज बन्द भएर दु:ख भोग्नु भएका नेपाली श्रमिकहरुका लागि राहत तथा उद्धारमा कार्यमा निकै ठुलो योगदान दिनु भएको थियो र विगत देखिनै उहाँको सामाजिक कार्यमा निकै लगशिलता र मेहनत थियो।

उहाँको लगशिलता ,मेहनत र सामाजिक कार्यलाई लिएर साउदी अरब स्थित सम्पुर्ण नेपाली संघसंस्थाका पदाधिकारीहरुले निकै सम्मानजनक धारण राख्नु हुन्थ्यो। उहाँको निधनले साउदी अरबमा रहनुहुने नेपाली समुदायमा निकै ठूलो बज्रपात परेको छ र सम्पुर्ण नेपालीहरु स्तब्ध भएका छ्न। साउदी अरबमा नेपाली समुदायले यति बेला निकै ठूलो क्षति बेहोर्नु परेको कुरा दूतावास ,एन.आर.एन,गैरआवासीय संघ नेपाली जनसम्पर्क समिति रियाद,साहित्यिक चौतारी साउदी शाखा,बागेश्वरी न्यूज ड्टकम,अन्टाइम टि.भि,पी.टि अन्लाइन,नेपाली साझा मंच,लगायत अन्य मिडियाकर्मी र उहाँका सहकर्मी मित्रहरुले मृतक रोशन श्रेष्ठलाई हार्दिक सम्वेदना प्रकट गर्नु भएको छ ।

भिडियो हेर्नुहोस