काठमाडौं– इराकको बसरास्थित अल फेहा अन्तराष्ट्रिय मैदानमामा जारी मैत्रिपूर्ण खेलमा नेपालविरुद्ध इराकले ४ गोल गरेको छ । पहिलो हाफमा ४–२ को अवस्था रहेको छ ।
खेलको छैटौं मिनेटमा इराकले अग्रता लिएको थियो । त्यसको एक मिनेटमै इराकी खेलाडी हमद इब्राहिम खलाफको आत्मघाती गोलमा नेपालले बराबरी गरेको थियो । २८ औं मिनेटमा मनिश डाँगीले थप एक गोल गरेर नेपालले २–१ मा पुर्याए ।
लगत्तै इराकले तीन गोल थपेर ४–१ पुर्यायो ।
दोस्रो हाफको ६६ औं मिनेटमा इराकले एक गोल थपेर ५-१ पुर्याएको छ ।
नेपालले फिफा वरीयतामा माथिल्लो स्तरमा रहेको इराकविरुद्ध मैत्रिपूर्ण खेल खेलेको हो । सन् २०२२ मा कतारमा आयोजना हुने फिफा विश्वकप तथा एसियन कप छनोट अन्तर्गत बाँकी खेलको तयारीका लागि नेपालले आफू भन्दा उच्च वरीयताको टिम इराकसँग मैत्रीपूर्ण खेल खेल्न लागेको हो ।
फिफा वरीयतामा इराक नेपाल भन्दा १ सय ३ औं स्थान माथि रहेको छ । इराक ६८ औं स्थानमा छ भने नेपाल १ सय ७१ औं स्थानमा ।
नेपालको यही टोलीले विश्वकप छनोटका बाँकी ३ खेल पनि खेल्नेछ । अब नेपालले जुन ३ मा ताइपे, जुन ७ मा जोर्डन र जुन ११ मा अष्ट्रेलियासँग खेल्नेछ ।
इराकसँगको मैत्रीपूर्ण खेलपछि नेपाली टोली कुवेत जानेछ ।
Discussion about this post