काठमाडौं, मंसिर १४ गते ।
१३ औं दक्षिण एसियाली खेलकुद (साग) मा सहभागी सातै राष्ट्रको शनिबार झण्डोत्तोलन गरिएको छ । त्रिपुरेश्वरस्थित राष्ट्रिय खेलकुद परिषद्् (राखेप) हातामा राखिएको सातै राष्ट्रको झण्डोत्तोलन गरिएको हो ।
सातै राष्ट्रका सेभ दि मिसनले आ–आफ््नो राष्ट्रको झण्डोत्तोलन गरेका थिए । नेपालबाट नेपाली टोलीका सेभ दि मिसन राखेपका उपाध्यक्ष समेत रहेका नेपाल ओलम्पिक कमिटीका सह महासचिव पिताम्बर तिम्सिनाले राष्ट्रिय झण्डा झणडोत्तोलन गरेका थिए ।
बास्केटबललाई जेभियरको पुरस्कार
१३ औँ दक्षिण एशियाली खेलकुद (साग) अन्तर्गत बास्केटबलमा स्वर्ण जित्ने नेपाली पुरुष÷महिला टोलीलाई जेभियर इन्टरनेसनल कलेजले नगद पुरस्कार प्रदान गर्ने घोषणा गरेको छ ।
जेभियरका प्रमुख कार्यकारी अधिकृत लोकबहादुर भण्डारीले टोलीका प्रत्येक सदस्यलाई १० हजार नगद पुरस्कार प्रदान गर्ने घोषणा गरे । ५ बाइ ५ तथा ३ बाइ ३ दुवैमा स्वर्ण जित्ने टोलीका सदस्यलाई उक्त पुरस्कार प्रदान गर्ने प्रमुख कार्यकारी अधिकृत भण्डारीले प्रतिबद्धता जनाए ।
नेपाल फाइनलमा
सागअन्तर्गत महिला भलिबलमा नेपाल आइतबार फाइनलमा प्रवेश गरेको छ । त्रिपुरेश्वरस्थित राष्ट्रिय खेलकुद परिषद््को कभर्डहलमा नेपालले श्रीलंकालाई २५–१४, २५–१८ र २५–२१ को सोझो सेटमा पराजित ग¥यो ।
फाइनलमा नेपालले भारतसंग प्रतिस्पर्धा गर्ने छ । अर्को सेमिफाइनलमा भारतले माल्दिभ्सलाई २५–१४, २५–६ र २५–१७ को सीधा सेटमा हराएको थियो । फाइनल मंगलबार हुने छ ।
पुरुषतर्फ पाकिस्तान समूह ‘बी’ को विजेता बन्दै सेमिफाइनलमा पुग्यो । पाकिस्तानले श्रीलंकालाई २८–३०, २५–१८, २५–२० र २५–२१ ले पन्छायो । हारका बावजुद श्रीलंका पनि समूह उपविजेता हुँदै सेमिफाइनलमा पुग्न सफल भयो । योसंगै पुरुषको सेमिफाइनल समीकरण तयार भएको छ । सेमिफाइनलमा भारतले श्रीलंका तथा पाकिस्तानले बंगलादेश विरुद्ध आइतबार प्रतिस्पर्धा गर्ने छन्् ।
Discussion about this post