नेपालगन्जका व्यापारीले काटे रेलिङ |

नेपालगन्ज १४ कार्तिक । नेपालगन्जको धम्वोझी चोकमा रहेका ६ वटा रेलिङ स्थानीय व्यापारीले नै काटेको प्रत्यक्षदर्शीले वताएका छन् । वागेश्वरी इलेक्ट्रो प्लाजाको सामुन्ने रहेका ६ वटा रेलिङ भाई टिकाको दिन राति ९ वजेको समयमा व्यापारी लोकेन्द्र अर्यालले काट्न लगाएको प्रत्यक्षदर्शी दिवस मल्लले जानकारी दिनुभयो ।

नेपालगन्ज फोरलेन सडकको फुटपाथमा एसीयाली विकास वैंक (एडिवि)ले निर्माण गरेको रेलिङ स्थानीयले नकाट्न भन्दापनि जवरजस्ती काटेको प्रत्यक्षदर्शीले बताएका छन् । आफ्नो व्यक्तिगत फाइदाको लागी रेलिङ काटिएको भन्दै स्थानीयले घोर आपत्ती जनाएका छन् । सम्बन्धित निकायसगं अनुमति नै नलिई व्यापारी अर्यालले रातारात रेलिङ काटेपछि समस्या देखीएको छ । नेपालगन्ज उपमहानगरपालीकाका मेयर डा. धवल शम्शेर राणाले घटनावारे प्रहरीसंग वुझ्दा तत्काल रेलिङ निर्माणका लागी निर्देशन दिएको जानकारी पाएको वताउनुभयो ।

थप वुझ्न खोज्दा जिल्ला प्रहरी कार्यालय बाँकेका प्रहरी प्रमुख एसपी विर वहादुर वलीको फोन उठेन । करीव ३० मिटरको दुरीमा रहेको प्रहरी विटका प्रहरीहरुले ६ वटा रेलिङ एकैपटक काटिसक्दा समेत थाह नपाउनु भनेको गैर जिम्मेवारी भएको भन्दै स्थानीयले दोषिलाई तत्काल कारवाहि गरी रेलिङ्ग पुन निर्माण गर्न माग गरेका छन ।